FRANCË – Alain Lamassoure konfirmon kandidaturën për presidencën e Parlamentit Evropian

Eurodeputeti francez i së djathtës dhe ish-ministri, Alain Lamassoure, 72 vjeç, konfirmoi sot kandidaturën për të pasuar në fillim të vitit 2017 gjermanin, Martin Schulz në presidencën e Parlamentit Evropian.

“Jam i gatshëm për të qenë kandidat i grupit PPE (konservator)”, theksoi Lamasure në një komunikatë, një orë pasi Schulz njoftoi që do të largohej nga Parlamenti Evropian për t’iu kushtuar politikës gjermane.

“Më shumë se kurrë, Unioni ka nevojë për institucione evropiane të forta dhe më pranë qytetarëve, për të mbrojtur interesat dhe vlerat e përbashkëta të familjes evropiane”, theksoi Lamasure duke theksuar eksperiencën e gjatë politike fituar si i zgjedhur lokal në qeverinë franceze dhe që prej vitit 1999 në Parlamentin Evropian.

PPE-ja do të vendosë në muajin dhjetor për kandidatin në presidencën e Parlamentit Evropian.

Lamassoure ishte ministër i Çështjeve Evropiane dhe më pas i Buxhetit në Francë në vitet 1990.

Mes kandidatëve të tjerë potencial të PPE janë ato të cituarit rregullisht, irlandezja Mairead McGuinness, slloveni, Alojz Peterle, austriaku, Othmar Karas ose italiani, Antonio Tajani, që ka qenë komisioneri evropian për Indistrinë (2010-2014) në ekipin e Hose Manuel Barroso.