Frikë për Kvaratskhelia pas fitores me Barcelonën, dyshohet për këputje ligamenti

Festën e PSG-së pas fitores së madhe ndaj Barcelonës në Champions League e ka zbehur disi dëmtimi i Khvicha Kvaratskhelia. Gjeorgjiani la fushën në fillim të pjesës së dytë të ndeshjes, që u mbyll me rezultatin 4-2.

Kvara, pas një përplasjeje, u shtri në fushë ndoshta nga një përdredhje jo natyrale të gjurit. Pasi mori ndihmën mjekësore, ai u zëvendësua, sepse nuk mundej të vazhdonte më. Dhe frika në klubin parisien është madhe për një dëmtim serioz.

Stafi mjekësor i PSG-së i druhet faktit se sulmuesi mund të ketë këputur ligamentin. Nëse analizat e detajuara do të konfirmojnë këtë dëmtim, atëherë do të jetë një goditje e madhe për francezët, sepse mungesa do të ishte e gjatë dhe bëhet fjalë për një nga titullarët kyç të formacionit të trajnerit Luis Enrique.

Ende nuk ka komente. Bëhuni i pari që komenton.