Fshehu dënimin për trafik njerëzish? Deputeti i LSI: Pse kam qenë në Itali
Pasi iu lakua emri si person me precedentë, se kishte fshehur dënimin e marrë në Itali dhe pas akuzave të sotme të PD-së ka reaguar deputeti i LSI-së, Shkëlqim Selami.
Në një prononcim për “News 24” deputeti i mazhorancës i quajti këto akuza thjesht broçkulla.
“Llumi që nuk do miratimin e vettingut hedh akuza të tilla”, tha ai për “News 24”. Sipas deputetit të LSI ai vendim nuk ka lidhje me të dhe dokumenti mund të kontrollohet në KQZ.
“Në vitet ‘90 ka shkuar disa herë në muaj në Itali për biznes dhe nuk është ndaluar asnjëherë. Jam njohur me dokumentin në fjalë në vitin 2007 kur ishta me pushime në Itali. Vendimi i gjykatës u pushua sepse ishte i falsifikuar”,- sqaron ai.
Duke përfunduar Selami thotë se “Venecia i dha shuplake atyre që s’e duan vettingun, por vettingu do të behet. Qentë le të lehin, karvani do shkojë përpara”.
Ndërkohë dje, Selami ka reaguar edhe me një postim pas lajmeve për emrin e tij si person i dënuar në Itali.
Reagimi i djeshem
“Barsoletat nuk paskan te sosur ne Tirane! Mjer kush qahet nga Vlora. Thashethemxhinjt e Tiranes jan me keq se ato te peshkatarve te Skeles qemoti qe kur s’u zinte gje grepi, thoshin zura nje peshkaqen po s’e nxora dot se ma keputi fillin hahaaa! Ne Tirane ka plas Peshku i mediave sociale! Me kane futur keto dite ne grupin e tyre te ndryshkur dhe me nxjerin larteposht emrin si kriminel. Shyqyr qe jam nga Vlora dhe futbollin e kam lozur me porta te medha,se do isha merzitur vertete! Po jo i merzitur s’jam po kam qe dje qe qesh se me marin njerezit ne tel dhe me thon urime se qenke ne regull????”
