Gjendet pa shenja jete një grua në banesën e saj në Gjilan

Një grua është gjetur pa shenja jete në banesën e saj në Gjilan, siç njofton KosovaPress.

Sipas raportit 24-orësh të Policisë së Kosovës, rasti ka ndodhur dje rreth orës 14:25, në rrugën “Lufta e Gjilanit”.

Ekipi mjekësor ka konstatuar vdekjen e viktimës, ndërsa me vendim të prokurorit trupi i pajetë është dërguar në Institutin e Mjekësisë Ligjore për obduksion, transmeton KosovaPress.

Rasti është cilësuar si “Hetim mbi vdekjen”, sipas njoftimit të Policisë së Kosovës.