‘Gjithçka ndodhi në 15 minuta’, shqiptari rrëfen tmerrin e zjarrit në Londër
Saimir Lleshi dhe Eliane Lara jetojnë në një apartament tek një bllok pallatesh pranë kullës rezidenciale “Grenfell” që u përfshi nga flakët sot në Londër.
Ata i thanë gazetares së BBC, Claire Heald, se u zgjuan rreth orës 01:30 të mëngjesit nga të bërtiturat e njerëzve të cilët kërkonin ndihmë. “Ishte shumë shqetësuese të dëgjoje britmat e tyre. Zjarri u përhap me shpejtësi”, thanë ata.
Saimir Lleshi dhe Eliane Lara shikonin nga banesa e tyre se si flakët e zjarrit përhapeshin me shpejtësi në kullën 24-katëshe. Ata rrëfejnë se panë skena të tmerrshme, njerëz që përpiqeshin të dilnin nga dritaret me çarçaf duke i lidhur si litar.
“Fëmijët tanë u tmerruan, po mundoheshim që t’i qetësonim”, tha Saimir Lleshi. Deshmitare te tjere thane se gjithçka ndodhi ne 15 minuta.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.