Gjyqi ndaj Frrokut, mungon dëshmitari kyç. Avokati mbrojtës: Nuk ekziston fare

Është zhvilluar sot në gjykatën e krimeve të rënda seanca e radhës ndaj Arben Frrokut i akuzuar për vrasjen e kryekomisar Dritan Lamajt 1 vit më parë. Por mungesa e dëshmitarit kyç i cili pritet të hedhë dritë mbi ngjarjen e ndodhur më 24 shkurt të një vitit më parë kur humbi jetën i qëlluar me breshëri kallashnikovi kryekomisar Lamaj solli edhe reagimin e avokatit mbrojtës të Frrokut. Genc Gjokutaj ka hedhur dyshime mbi ekzistencën e tij duke pohuar se mungesa e këtij dëshmitari ne seancen e sotme qe ishte parashikuar te zhvillohej me dyer te mbyllura. Duke cituar një dokument të drejtorisë për mbrojtjen e dëshmitarëve ku thuhej se janë humbur kontaktet me dëshmitarin e mbrojtur, Gjokutaj ka deklaruar se kjo tregon se ky dëshmitar nuk ekziston.

Dëshmitari kyç, me pseudonimin Arben Ndoka, i marrë në mbrojtje nga drejtësia, sipas akuzës pretendon se ka parë Frrokun duke qëlluar mbi Dritan Lamjan.

Avokatët mbrojtës të Frrokut kanë kërkuar ndryshim të masës së sigurisë, kërkesë që nuk është marrë parasysh nga gjykata.