Greqia dhe Serbia përmirësojnë bashkëpunimin ushtarak

Ushtritë e Greqisë dhe Serbisë po punojnë së bashku për të përmirësuar bashkëpunimin e mbrojtjes dhe sigurinë e stabilitetin rajonal.

Sipas kolonelit Milan Konjikovaç, shefi i ngarkuar i Drejtorisë për Bashkëpunimin Ndërkombëtar Ushtarak në ministrinë e mbrojtjes të Serbisë, bashkëpunimi në sektorin e mbrojtjes me Greqinë është parë në edukim, trajnim të përbashkët dhe përgatitjen në operacionet shumëkombëshe.

“Bashkëpunimi i edukimit ushtarak midis të dy vendeve u ngrit në 2003 dhe është identifikuar si një fushë e gjerë e bashkëpunimit që do të vazhdojë. Më shumë se 90 përqind e anëtarëve tanë kanë marrë pjesë në trajnime të ndryshme në Qendrën e Trajnimeve të Mbështetjes së Paqes Shumëkombëshe në Kilkis, në Greqinë e veriut, në 10 vitet e fundit,” i tha Konjikovac SETimes.

“Greqia po angazhohet gjithashtu në mbështetjen e procesit integrues të Serbisë në BE,” tha koloneli Antonios Kostakis, atasheu i mbrojtjes i Republikës Helenike në Serbi, në një takim të fundit me Konjikovac.

“Greqia do të vazhdojë mbështetjen e e Serbisë në procesin e integrimit europian dhe është gati të transferohen përvojat në aspektet e sigurisë dhe mbrojtjes të bashkimit me Bashkimin Europian.”

Konjikovac tha se Serbia mund të mësojë mjaft nga të dhënat e Greqisë në BE.

“Përvojat greke brenda politikave të përbashkëta të mbrojtjes dhe sigurisë së BE, bashkëpunimi në projektet e Agjencisë së Mbrojtjes Europiane dhe koncepti i grupeve luftarake të BE janë të vlefshme për ne,” tha ai.

Aleksandar Radiç, një analist ushtarak në nismën euro-atllantike në Beograd, i tha SETimesse bashkëpunimi ushtarak me Greqinë është i rëndësishëm për shkak të gjeografisë, që mund të shpjerë në fusha të tjera të përmirësimi.

“Kur shkon nga bashkëpunimi ushtarak në bashkëpunimin teknik ushtarak, që do të thotë punë e përbashkët në zhvillimin e teknologjive dhe pajisjeve, kjo tregon zhvillim më të gjerë dhe përfshin më shumë palë të interesuara dhe ka vend për bashkëpunim ekonomik. Greqia, si një anëtare e NATO-s, ka akses ndaj teknologjive dhe ka vend për diskutim mbi bashkëpunimin në disa zhvillime teknologjike,” i tha Radiç SETimes.

Ai shtoi se një stërvitje e përbashkët ushtarake mund të ishte hapi tjetër më i mirë, i cili do të forconte marrëdhëniet midis zyrtarëve dhe ushtarëve.

Sipas ministrit të mbrojtjes të Greqisë Dimitris Avramopulos, Athina është e gatëshme të luajë një rol konstruktiv dhe pozitiv në Ballkanin perëndimor, duke nxitur marrëdhëniet e mira dhe bashkëpunimin për të ndihmuar krijimin e një “oazi sigurie” për të gjithë njerëzit që jetojnë në Europën juglindore.

Konjikovаc tha se bashkëpunimi ushtarak i Serbisë me vendet rajonale kontribuon në zhvillimin e marrëdhënieve të mira dhe përmirësimin e sigurisë dhe stabilitetit.