Greqia premton, por kur do të mbarojë kriza?
Greqia është e gatshme për të arritur një marrëveshje kompromisi me kreditorët e saj të mëdhenj për të pranuar të dy anët e kërkesave dhe të negociojë gjer në fund të qershorit. Kështu është shprehur Gabriel Sakellaridis, zëdhënësi i qeverisë greke, në një deklaratë për shtyp, shkruan Reuters.
“ Definitivisht propozimi ynë është pikënisja, misioni i delegacionit grek është që të eksplorojë mundësitë e një zgjidhje që të mund të kënaqë të dy palët”- tha ai përpara mediave.
Të lodhur nga loja “macja me miun” e Greqisë? Mësohuni me të, shkruan Business Insider.
Artikulli vijon duke arsyetuar se, edhe nqs Tsipras arrin të bëjë pagesën e rradhës (ndonëse u shty), gjithsesi ai do të ketë nevojë për një tjetër infuzion parash menjëherë pas kësaj.
“Çdo marrëveshje e besueshme në këtë fazë nuk ka gjasa që të jetë i mjaftueshëm dhe është e pamundur që të jetë fundi i çështjes,” tha Simon Tilford, zëvendës drejtor i Qendrës për Reformën Evropiane në Londër.
Negociatat mbi një plan të tretë do të japë Tsipras, një mundësi për të nxitur kërkesat kyçe – lehtësimin e borxheve dhe pensionet më bujare – e sollën atë në pushtet në janar por, njëkohësisht e kanë izoluar atë në euro-zonë.
Pastaj ka “thyerje” në çdo anë të tryezës së bisedimeve. Në mesin e kreditorëve, Fondi Monetar Ndërkombëtar thotë se barra financiare e Greqisë mund të jetë e paqëndrueshme; BE-ja thotë se ajo duhet të respektojë angazhimet e veta.
Në anën greke, koalicioni Tsipras i Syriza është rrënuar nga lufta mbi koncesionet e mundshme, dallimet që në fund të fundit mund të detyrojë atë edhe për zgjedhje të parakohshme.
Nga ana tjetër, FMN-ja beson se Greqia ka nevojë për të vendosur një objektiv të besueshëm për një suficit buxhetor mbështetur nga ndryshimet e pensioneve dhe reformat e tjera. Kështu deklaroi një zyrtar i përfshirë në bisedimet e G-7.
“Varësia ndaj kreditorëve tanë do të mbetet për dy vjet në rastin më të mirë,” tha Aristides Hatzis, profesor i asociuar i Ligjit dhe Ekonomisë në Universitetin e Athinës. “Greqia do të ketë nevojë për kredi të lirë për dy vitet e ardhshme.”
