Gruevski, Ahmeti dhe Thaçi jashtë për pauzë, Zaevi brenda me ambasadorët e huaj

Për momentin ka ndërprerje të takimit midis liderëve të partive më të mëdha politike, Nikolla Gruevski, Zoran Zaev, Ali Ahmeti dhe Menduh Thaçi, për shkak të pauzës.

Gruevski doli në oborrin e Klubit të deputetëve dhe iu bashkua ekipit të tij, ndërsa Ahmeti dhe Thaçi, ashtu si në takimin e kaluar, pauzën po e kalojnë bashkë.

Në oborr, përsëri, nuk doli Zaevi, i cili ngeli brenda së bashku me euro ambasadorët Xhes Bejli dhe Aivo Orav. Pas dhjetë minutave ai doli në oborr.

Tash për tash nuk ka informacione se në çfarë drejtimi po rrjedh takimi i liderëve dhe nëse është arritur diçka.