Guvernatori i ri i BSH-së, LSI: Duhet dialog mes Ramës e Nishanit

Lëvizja Socialiste për Integrim ka dalë me një deklaratë për shtyp sot, ku bën me dije se çështja e Guvernatorit të ri të Bankës së Shqipërisë duhet të zgjidhet përmes dialogut.

Sipas nënkryetarit të kësaj partie, Petrit Vasili, jo vetëm LSI-ja, por e gjithë mazhoranca në tërësi, shpreson që dialogu mes Kryeminisrit dhe Presidentit, “të sjellë një zgjidhje të qëndrueshme dhe solide në këtë institucion kaq delikat si BSH-ja. Shpresojmë që dialogu të zgjidhë gjithçka pas historive trazuese që kanë prekur kohët e fundit jetën e kësaj banke”.

Vasili theksoi se mazhoranca ka ndikimin e saj për procesin që do të hapet së shpejti për zgjedhjen e anëtarit të ri të Këshillit Mbikëqyrës në BSH. “Ne shpresojmë të ketë një dialog sa më intensiv për një zgjidhje të qëndrueshme, të gjatë dhe gjithëpërfshirëse”, – deklaroi Vasili.