Hamza: PDK-ja do të kërkojë procedimin e ligjit për Specialen në Kryesinë e Kuvendit

Kryetari i Partisë Demokratike të Kosovës, Bedri Hamza, ka bërë të ditur se PDK-ja do të kërkojë procedimin e ligjit për Dhomat e Specializuara dhe konstituimin e komisioneve funksionale të Kuvendit.

Deklarata u bë para mbledhjes së Kryesisë së Kuvendit, në përgjigje të gazetares së Klan Kosova, Qëndresa Bellagoshi.

“Procedimi i ligjit, konstituimi i komisioneve funksionale. Ne sot do të kërkojmë që ligji të procedohet, normalisht ne e respektojmë vendimin e Gjykatës Kushtetuese dhe normalisht që vendimi i Kushtetues është i qartë”, citohet të ketë thënë Hamza.

Ai gjithashtu bëri të ditur se PDK-ja nuk do të marrë pjesë në mbledhjen e sotme të Kryesisë së Kuvendit.

Mbledhja e sotme, e thirrur në orën 11:00 nga kryetarja e Kuvendit, Albulena Haxhiu, është e para e legjislaturës së 11-të. Në rendin e ditës janë formimi i komisioneve parlamentare dhe raporti i shpenzimeve të Kuvendit për vitin 2025.

Të mërkurën, Gjykata Kushtetuese vendosi, pas kërkesave të PDK-së, se Kuvendi është konstituuar pas afatit 30-ditor, por se zgjedhja e qeverisë më 13 shtator nuk ishte në kundërshtim me Kushtetutën. Afati 60-ditor për zgjedhjen e presidentit fillon më 8 gusht dhe përfundon më 6 tetor.

Burimi: Klan Kosova