Haradinaj: Listës së AAK-së në zgjedhje i prin Ardian Gjini

Ramush Haradinaj ka deklaruar se Ardian Gjini do të jetë edhe kandidat për kryeministër.

Ramush Haradinaj ka deklaruar se Ardian Gjini do të jetë edhe kandidat për kryeministër.

Kryetari i Aleancës për Ardhmërinë e Kosovës (AAK), Ramush Haradinaj, ka deklaruar se partia e tij është e gatshme për zgjedhjet qendrore, pavarësisht se AAK aktualisht është në proces të zgjedhjeve të brendshme.

I pyetur se si do t’i gjejnë këto zgjedhje qendrore, Haradinaj tha se AAK punon vazhdimisht dhe është në kontakt të drejtpërdrejtë me strukturat dhe votuesit.

“Ne punojmë vazhdimisht, i kryejmë detyrat tona, jemi afër strukturave, votuesve dhe temave, dhe jemi të gatshëm. Listës sonë i prin Ardian Gjini, është mandatar për kryetar qeverie, një njeri vërtet par excellence politik, një shembull i politikës. Tani është kryetar i Gjakovës, që është edhe një shembull i qeverisjes së mirë. Unë besoj që do të kemi sukses në këto zgjedhje”, ka thënë Haradinaj.

Sipas tij, Ardian Gjini do të jetë kandidati i AAK-së për kryeministër në zgjedhjet e ardhshme.