Haxhiu: Nëse Shqipëria dështon me kushtet e BE-së, faji bie vetëm mbi qeverinë

Raporti IBAR mori vlerësimin e Grupit të Punës, duke i hapur rrugë mbajtjes së konferencës ndërqeveritare më 26 maj.

Në studion e MCN TV, analisti Baton Haxhiu tha se nëse kushtet e reja që ka vendosur BE nuk do të plotësohen, faji është ekskluzivisht i qeverisë. Por, sipas tij, miratimi i IBAR-it është meritë e miqve të Shqipërisë si Italia e Franca dhe vetë punës së qeverisë.
“Maxhoranca e ka pasur pikën qendrore të saj, ndaj natyrshëm do të ndërtojë PR e vet për suksesin e datës 26 maj. Kushtet që ka vendosur BE, që besoj qeveria do t’i respektojë një nga një, janë jo të pakta. Duhen adresuar disa çështje që për hir të së vërtetës nuk janë të vështira. Rrëfimi politik i kësaj maxhorance nis të martën. Negociatat e BE me një shtet nuk ekzistojnë, ekzistojnë vetëm kushtet dhe ata i kanë vendosur.
Nëse kushtet nuk plotësohen, faji është ekskluzivisht i qeverisë.

Nuk ka rrugë tjetër veç plotësimit të kushteve. Dy muajt e fundit kanë qenë betejë se a duhet apo jo Shqipëria ta kalojë IBAR-in. Me insistimin e Italisë dhe Francës, ka fituar miqësia e shteteve që e kanë përkrahur Shqipërinë. Meqenëse procesi duket i suksesshëm, merita të mëdha duhet t’i takojnë Italisë, Francës dhe qeverisë shqiptare. Kushtet që përmend zoti Bardhi nuk janë gjë e re. Madje më duket gjuhë e butë në raport me atë që jemi mësuar të dëgjojmë”

Haxhiu komentoi edhe referendumin e mbajtur dje në PD, i cili i dha një tjetër mandat Sali Berishës si kryetar.

“Berisha më shumë një fotografi që qëndron në mur dhe jo një figurë e gjallë. Kjo është humbje e të djathtës. Fatkeqësisht 37 mijë votuesit kanë votuar gabim. “