Heqja e mandateve/ Basha: Ndarja me krimin sapo ka filluar

Kreu i PD-së, Lulzim Basha ka reaguar në lidhje me vendimin e KQZ-së që i heq mandatin kryebashkiakut të Kavajës, Elvis Rroshi dhe deputetëve, Dashamir Tahiri dhe Shkëlqim Selami.

Në një postim në Facebook, Basha thotë se ndarja e politikës me krimin sapo ka filluar.

“Për të gjithë shqiptaret e ndershëm kjo është një fitore e shumëpritur.

Beteja është e gjatë dhe e vështire sepse krimi ka mbrojtje dhe mbështetje qeveritare”, shkruan Basha.

Kreu i PD premton se “asgjë nuk do të na ndalë nga kjo rrugë që na ndan me të keqen dhe që do të ndryshojë Shqipërinë duke ndryshuar nga rrënjët politikën”.