Hobi befasues që mund të mbaj larg demencën
Është një hobi që zakonisht lidhet me vajzat adoleshente por sipas hulumtimeve mbajtja e një ditari mund të ndihmojë të moshuarit të shmangin demencën.
Studiuesit analizuan të dhënat nga 10,000 njerëz që jetonin në Australi mbi moshën 70 vjeç, të cilët u ndoqën për rreth 10 vjet. Ata zbuluan se të moshuarit që mbanin një ditar, shkruanin letra ose përdornin kompjuterit kishin 11 përqind më pak gjasa të zhvillonin demencë.
Ndërkohë, aktivitetet mendore aktive si lojërat, letrat apo shahu dhe bërja e fjalëkryqeve apo enigmave lidheshin me një rrezik të reduktuar prej 9 përqind.
Studiuesit zbuluan gjithashtu se aktivitetet artistike të tilla si punimet e drurit, punimet e metaleve, piktura ose vizatimi dhe aktivitetet mendore pasive si leximi i gazetave ose dëgjimi i muzikës, çuan në një ulje prej 7 përqind të rrezikut të zhvillimit të sëmundjes.
“Këto rezultate sugjerojnë se angazhimi në shkrim-leximin e të rriturve, artin krijues dhe aktivitetet mendore aktive dhe pasive mund të ndihmojnë në reduktimin e rrezikut të demencës” tha ekipi i studiuesve nga Universiteti Monash në Melburn pasi publikuan hulumtimet e tyre në Jama Network Open.
Ekipi shtoi se gjetjet e tyre mund të ndihmojnë në drejtimin e politikave për kujdesin dhe ndërhyrjet që synojnë parandalimin e demencës për të rriturit e moshuar.
