Hoxhaj: Të gatshëm për t’iu ndihmuar familjeve të viktimave në Munih

Ministri i Punëve të Jashtëme i Kosovë, Enver Hoxhaj, i cili gjendet në Gjermani u ka shprehur ngushëllime familjeve të viktimave kosovare, të vrarë të premten në sulmin e armatosur në Munih.

“Janë tri viktima nga Kosovë, ashtu edhe siç kemi deklaruar zyrtarisht”, ka thënë Hoxhaj për Klan Kosova.

“Nuk kam numër tjetër, mjerisht janë tre jeta e të cilëve vlen. Unë gjatë orëve të fundit kam arritur të komunikoj edhe me disa prej anëtareve të familjes, të cilët janë të tronditur”, tha Hoxhaj.