Hudënisht, INUK shemb me 44 kilogramë tritol godinën 6-katëshe

INUK ka shembur me një shpërthim të kontrolluar sot në mesditë objektin 6-katësh në Hudënisht. Hoteli i shumëpërfolur buzë liqenit në Pogradec, është hedhur në erë me 44 kilogramë tritol.

Sipas forcave xheniere dhe përfaqësuesve të INUK-ut, për shembjen e tij janë hapur 600 vrima. Shpërthimi i telekomanduar ka pasur efekt që në fillim, duke e rrëzuar të gjithë ndërtesën në tokë. Nga shpërthimi nuk ka pasur dëme përreth.

Zona ku ndodhej godina, do të shndërrohet në një shëtitore turistike sipas një projekti të qeverisë. Prishja e saj shkaktoi polemika dhe tensione me pronarët, të cilët pretendonin se e kishin objektin në proces legalizimi.