Hulusi Akar: Turqia shfrytëzon të drejtën e mbrojtjes dhe nuk synon territorre
Shefi i Shtabit të Përgjithshëm të Forcave të Armatosura të Turqisë (TSK), gjenerali Hulusi Akar deklaroi sot në Ankara se Republika e Turqisë dhe forcat e saj të armatosura nuk kanë për qëllim përvetësimin e territorit të asnjë vendi tjetër, por vetëm shfrytëzon të drejtën e saj legjitime për mbrojtje.
“Në disa komente të caktuara mund të dëgjohet gjithçka. Megjithatë, Forcat e Armatosura të Turqisë dhe shteti i Republikës së Turqisë nuk kanë për qëllim territorin e ndonjë shteti tjetër. E vetmja gjë që synojnë është vendosja e sigurisë në pajtim me të drejtën tonë legjitime”, theksoi Akar duke folur për ofensivën “Mburoja e Eufratit” në veri të Sirisë në kuadër të së cilës nga terroristët e DAESH-it është pastruar thuajse njëmijë kilometra katror.
