I gjithë shalqiri është shitur
Pas Divjakës, Imshta e Lushnjës është një nga zonat më të njohura për kultivimin e shalqirit.
Ndryshe nga viti i kaluar ku fermerët u përballën me mungesën e tregut dhe bllokimin e shitjes në pikat e grumbullimit, këtë vit edhe pse jemi në mes të sezonit në tokat e Imshtës nuk gjen me shalqi pa shitur.
Artur Beqiri kultivon shalqi prej 30 vjetësh dhe për të ky vit është i kënaqshëm pasi që nga fillimi i pjekjes shitja e shalqirit nuk u ndal në asgjë moment. Çdo ditë nga Imshta ngarkohen rreth 20 kamionë.
“I kënaq më shumë është çmimi i cili është shitur dhe po shitet. Nëse vitin e kaluar një kg shitej me 5-10 lek këtë vite çmimi nuk ka rënë poshtë 38 lek te reja”, tha ai.
Duke parë që kërkesa ka ende, fermerët po vazhdojnë te zgjerojnë sipërfaqen me shalqirin e vonët i cili del në treg në muajin shtator dhe për të cilin presin një çmim më të lartë.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.