Ilir Meta nesër niset për një vizitë 2 ditore në Greqi
Me ftesë të kryetarit të parlamentit helen Nikos Voutsis, një delegacion shqiptar i drejtuar nga kryeparlamentari shqiptar Ilir Meta zhvillojnë nga nesër një vizitë 2 ditore në shtetin fqinj.
Kryetari i parlamentit shqiptar Meta do të shoqërohet nga një grup deputetësh të partive të ndryshme të parlamentit shqiptar.
Meta do të takohet me homologun e tij Voutsis, me kryeministrin Aleksis Cipras si dhe me kreun e partisë opozitare “Demokracia e Re” me Qiriako Misotakis.
Meta ditën e hënë në mbrëmje ora 18.00 do bëjë një takim me përfaqësues të emigrantëve shqiptarë.
Deputeti, Fatmir Toçi, i cili është pjesë e delegacionit thotë se në këtë vizitë Meta dhe delegacioni shqiptar do të takohen me përfaqësuesit më të lartë shtetërorë dhe politik.
Toçi: Nga nesër një delegacion i Kuvendit te Shqipërisë, pjesë e të cilit kam kënaqësinë dhe nderin të jem, i kryesuar nga kryetari i Kuvendit z. Ilir Meta do të jetë në një vizitë zyrtare në Parlamentin Grek. Në programin e vizitës janë parashikuar takime të nivelit më të lartë politik e shtetëror të Greqisë, me kryetarin e Kuvendit, Presidentin e Republikës, Kryeministrin, ministrin e Jashtëm, kryetaret e partive parlamentare etj.”
Deputeti socialist shton më tej se temë e bisedime do të jetë jo vetëm forcimi i bashkëpunimit mes dy vendeve, por edhe çështjet e nxehta të cilat kërkojnë zgjidhje.
Toçi: Në tryezat e bisedimeve vullneti i të dy palëve për forcimin e marrëdhënieve në të gjitha fushat dhe mbështetjen reciproke, por edhe diskutimi i problemeve konkrete të vjetra e aktuale, zgjidhja e te cilave do t’i çoje më përpara dhe forcojë më tej marrëdhëniet aktualisht të mira.
