Me „Festa Venezia“ në fundjavë u hap sezoni i karnavaleve në qytetin lagunë. Spektakli i larmishëm me muzikë, art nëpër rrugë dhe kulturë sinjalizon hapjen tradicionale të karnavaleve që vazhdojnë për dy javë (08.02 – 17.02). Të dielën e ardhshme ceremonia vazhdon me “Volo dell Angelo”. Në këtë periudhë Venecian e vizitojnë enkas qindra mijëra turistë.
Me “Volo dell’ Angelo” – fluturimi i engjёllit – hapen zyrtarisht karnavalet nё Venecia. Deri tё mёrkurёn e djegjes sё maskave venecianёt mbajnё tё gjallё njё traditё shekullore.
Me „Festa Venezia“ në fundjavë u hap sezoni i karnavaleve në qytetin lagunë. Spektakli i larmishëm me muzikë, art nëpër rrugë dhe kulturë sinjalizon hapjen tradicionale të karnavaleve që vazhdojnë për dy javë (08.02 – 17.02). Të dielën e ardhshme ceremonia vazhdon me “Volo dell Angelo”. Në këtë periudhë Venecian e vizitojnë enkas qindra mijëra turistë.
Brohoritjet shpёrthejnё: Fiks nё orёn 12:00 engjёlli Julia Nasi (fotografi e vitit 2014) zbret nga kambanorja e famshme 80 metra e lartё e katedrales „St. Marco“ nё sheshin me tё njёjtin emёr. Madhёrishёm „engjёlli“ hap krahёt nё drejtim tё dukёs, qё e pret atё nё skenё. “Volo dell’ Angelo” thёrret dhe mijёra turistё vijnё pёr tё ndjekur hapjen plot gjallёri tё karnavaleve.
Nё vitin 1548 njё akrobat turk thuhet tё jetё ngjitur nё majё tё kambanores. Qё nga lart ai hidhte lule dhe pastaj me hapa tё kujdesshёm zbriste nё pallatin dukal. Fillimisht kjo histori u rivu nё jetё me njё pёllumb prej kartoni. Por qё prej pesёmbёdhjetё vjetёsh vajza tё veshura me kostume luksoze zbresin me litar qё nga kambanorja. Çdo vit e ka radhёn njё bukuroshe e re.
Nё Castello, ndёr lagjet mё autentike tё Venecias, njё ditё para „fluturimit tё engjёllit“ nis procesioni i bartjes sё Maries. Dymbёdhjetё virgjёresha me kostume madhёshtore kalojnё nёpёr rrugica. Fiks nё orёn 15:00 ato ndalen pёr tё kёnduar himnin venecian. Mё pas ato i bartin nё vig deri nё sheshin “St. Marco”. Mё e bukura prej tyre do tё jetё vitin e ardhshёm engjёlli qё zbret nga kambanorja.
Rreth 200.000 turistё vijnё gjatё karnavaleve nё Vencia. Shumica e rreth 58.000 banorёve tё Venecias nё kёtё periudhё marrin arratinё nga qyteti, pёr t’i shpёtuar rrёmujёs. Çdo dyqan, çdo kioskё, çdo bukёpjekёs i pёrkushtohet nё kёtë kohë biznesit tё turizmit tё karnavaleve. Shumica e maskave vijnё prej sё largu: Ato prodhohen nё Kinё ose nё vende tё tjera, ku janë të ulëta pagat e prodhimit.
Nё rrugicat e qytetit karnavalet nuk u pёrkasin turistёve, por vetёm venecianёve. Kalorёs tё zymtё me kostume tё rёnda kalojnё rrugicave tё shoqёruar prej trumbetistёve. Pёr procesionin e bartjes sё Maries grupet karnavaliste vijnё nё Venecia me maska historike nga i gjithё rajoni i Venetos. Karnavalet ndonёse kanё njё traditё tё gjatё, si festё nёpёr rrugё ato zhvillohen qysh nga viti 1979.
Nё Republikёn Veneciane karnavalet ishin jo vetёm njё festё e shpenguar, por edhe njё garё luftëtarësh. Pёr kёtё arsye Massimo Andreoli (nё mes) ёshtё veshur si ushtar i kёmbёsorisё me njё kostum origjinal mesjetar tё vitit 1530. Eshtё meritё e kryetarit tё “Consortium of European Re-enactment Societies” (CERS), me kontributin e tё cilit karnavalet kanё fituar peshё historike.
Atelieja Pietro Longhi ёshtё njё vend qё nuk bie nё sy. Kush nuk e di, qё kёtu ndodhet nё kuartierin San Polo-Viertel, mund tё kalojë pa e vёnё re atё. Rrobaqepёsia ёshtё njё nga pesё adresat kryesore pёr karnavalet. Kush ёshtё i ftuar nё njё ballo me kostume dhe mund të paguajё 3.000 euro pёr hyrjen, si p.sh. për në ballon dukale, patjetёr duhet tё vishet me njё kostum nga atelieja Longhi.
Modelet pёr kёtё fustan, pronari i ateliesё Longhi, rrobaqepёsi Francesco Briggi, i ka gjetur nё muzeun „Correr”. Copat janё: dantella, mёndafsh, kadife, brokadё. 15.000 euro kushton fustani. Ai jepet edhe me qira pёr 250 euro dita. Deri natёn vonё Briggi ka punuar pёr t’i mbaruar fustanet e Maries pёr dymbёdhjetё virgjёreshat. Ato janё punuar sipas pikturёs sё Vittore Carpaccio nga viti 1495.
Frika prej degradimit tё karnavaleve ёshtё e madhe. Qё ato tё mos degradojnё thjeshtё nё njё event turistik, Bienalja si punёdhёnёsi mё i madh jashtё sezonit tё biznesit gjigant tё karnavaleve, tёrheq rreth 6000 fёmijё nё lagunё. “Carnavale Internationale dei ragazzi”, karnavalet e fёmijёve, organizohen nё territorin e Bienales sё Venecias.
Venecia, qyteti nё rrezik, duhet tё gjejё rrugё tё reja qё tё mos fundoset prej vorbullës së turizmit, kjo ёshtё motoja e aktiviteteve. Karnavalet e fёmijёve konsiderohen si shans për t’ia bёrё tёrheqёse brezit tё ardhshёm Bienalen e arkitekturёs, filmit dhe artit. Drejtori i Bienales sё baletit bashkё me fёmijёt koncepton koreografinё pёr eventet gjatё ditёve tё karnvaleve tё Venecias.
