Irani: Ende po shqyrtojmë propozimin e SHBA-së

Zëdhënësi i Ministrisë së Jashtme iraniane, Esmaeil Baghaei në intervista me mediat iraniane ka deklaruar këtë të mërkurë se Irani është ende duke shqyrtuar propozimin e fundit të Shteteve të Bashkuara.

“Plani dhe propozimi i SHBA-së janë ende duke u shqyrtuar nga Irani dhe, pasi të finalizojë pikëpamjet e tij, Irani do t’ia përcjellë ato palës pakistaneze”, tha Baghaei për Agjencinë Iraniane të Lajmeve Studentore, ISNA.

Zëdhënësi më vonë theksoi në një intervistë me transmetuesin shtetëror IRIB se shqyrtimi është ende duke u zhvilluar dhe se Irani ende nuk ia ka paraqitur përgjigjen e tij ndërmjetësve pakistanezë.

“Shkëmbimi i mesazheve përmes ndërmjetësit pakistanez është duke vazhduar dhe shqyrtimet e teksteve të shkëmbyera vazhdojnë”, tha Baghaei.

“Përgjigja e Iranit ndaj pikëpamjeve të SHBA-së në lidhje me propozimin prej 14 pikash të vendit tonë ende nuk i është përcjellë palës pakistaneze”, theksoi ai.