Ish-i përndjekuri kërcënoi të hidhej nga vinçi

Një ish-i përndjekur kërcënoi t’i japë fund jetën duke u vetëhedhur nga një vinç në kryeqytet. Vinçi ndodhet në një pallat në ndërtim pranë Gjykatës së Lartë, ndërsa ish-i përndjekuri bënte veprime që cenonin sigurinë e tij. Personi në fjalë është identifikuar si Xhemal Zhuri, 55 vjeç.

Pas rreth 40 minutash negociata nga forcat e policisë, Zhuri arriti të bindej për të zbritur nga vinçi ku rrezikonte jetën.

Më herët policia bllokoi qarkullimin e makinave dhe të këmbësorëve, duke rrethuar zonën dhe duke vendosur perimetrin e sigurisë.

Ish-i përndjekuri tenton vetëvrasjen për herë të dytë

Nuk është hera e parë që Xhemal Zhuri kërcënon vetëvrasjen. Edhe në vitin 2012 ish-i përndjekuri ka tentuar t’i japë fund jetës në të njëjtën mënyrë, duke tentuar vetëhedhjen nga një vinç.

Para tre vjetësh Zhuri hipi në lartësinë e një vinçi të një pallati në qendër të Tiranës, por negociatat me policinë rezultuan të frytshme dhe ai mundi të zbresë pa asnjë dëmtim.

Në të njëjtin vinç u tentua një vetëvrasje në korrik

Vinçi i pallatit në ndërtim po përdoret për herë të dytë si një vend për të kërcënuar vetëvrasjen. Pas muaj më parë, më 27 korrik në të njëjtin vinç në mes të ditës rreth orës 10:00, një qytetar tentoi vetëvrasjen për shkak të problemeve të pronësisë.

Shtetasi Et’hem Gryka, kërcënoi se do të vetëhidhej nga një vinç pranë Gjykatës së Lartë në Tiranë, përballë Kishës Ortodokse. Pas 45 minutash negociata nga ana e punonjësve të zjarrfikësve, të policisë dhe të vetë objektit, 50-vjeçari Gryka arriti të bindej për të mos kryer aktin fatal.

/Shek