Itali, kapen 3 ton drogë, rrjet trafikantësh nga Amerika e Jugut, Kalabria dhe Shqipëria

Më shumë se tre ton drogë, kokainë, heroinë dhe marijuanë me një vlerë totale prej 45 milionë eurosh, janë kapur gjatë operacionit “Gentleman”, kryer sot në mëngjes nga Guardia Di Finanza në Itali. Gjithashtu, 33 persona janë ndaluar si të lidhur me ciganët e “Ndragetës”.

Gjatë hetimeve dy-vjeçare, policia arrestoi muajin e fundit dhe të arratisurin Domenico Pepe’, që besohet se ka lidhje me trafikun.

Nga hetimet është zbuluar aftësia e këtij klani për të hyrë në tregjet e Amerikës së Jugut dhe ato të Evropës Lindore në sajë të një rrjeti të gjerë të trafikantëve ndërkombëtarë të drogës, të cilët janë në gjendje për të lëvizur sasi të mëdha të marihuanës nga Shqipëria për në Itali, duke përdorur anije tregtare si edhe kokainë e heroinë me mjete të tjera të modifikuara.