Jeanne Shaheen: Rusia kërkon destabilizimin e Ballkanit Perëndimor, Serbia ‘stacion kalimtar’

Senatorja amerikane demokrate Jeanne Shaheen, demokratja kryesore në Komitetin e Senatit për Marrëdhëniet me Jashtë dhe bashkëkryetare e Grupit Vëzhgues të Senatit për NATO-n, ka thënë në një intervistë për Radion Evropa e Lirë se Rusia ka interes për destabilizimin e Ballkanit Perëndimor, të cilin Moska e sheh si “front të dytë potencial”.

Sipas Shaheen, Serbia shihet nga Moska si njëfarë “stacioni kalimtar” (“usputna stanica”). Ajo theksoi se SHBA-ja duhet të sigurojë që Rusia ta dijë se forcat amerikane në rajon janë “në gjendje gatishmërie të lartë dhe po monitorojnë situatën”.

Duke folur për shqetësimet mbi Kosovën, Serbinë dhe Bosnje-Hercegovinën, senatorja përmendi “lidhjen e Serbisë dhe serbëve në Republikën Serbe me Rusinë dhe interesin rus për destabilizimin e rajonit”, duke shtuar se lufta hibride ruse duhet të shtypet kudo që është e mundur.

Në një seancë dëgjimore në Komitetin për Marrëdhëniet me Jashtë u përmend gjithashtu se Serbia shërbeu si “stacion kalimtar” për rusët që kryen sulmin në Lajpcig. Në fillim të shtatorit, Gjermania akuzoi Rusinë për “sulm hibrid” me dron të ngarkuar me eksploziv, që në fillim të gushtit ndërpreu fluturimet në aeroportin e Lajpcigut.

NATO mban forca në Kosovë (KFOR) dhe misionin EUFOR në Bosnje-Hercegovinë, të cilat përbëjnë shtyllat kryesore të sigurisë në rajon.

Burimi: Danas