Jessica Alba, e magjishme në kopertinën e “Maxim”
Në muajin gusht Jesicca Alba do të kthehet në sallat e kinemave me rolin e striptistes sensuale Nancy Callahan në filmin “Sin City 2” të Robert Rodriguez dhe Frank Miller, 9 vjet pas serisë së parë të tij.
Në pritje të prezantimit të filmit aktorja ka dalë në kopertinën e revistës “Maxim” duke pozuar me bikini për objektivin e fotografit Cliff Watts.
Pikërisht gjatë këtyre ditëve është prezantuar edhe traileri zyrtar që sjell jo pak surpriza duke nisur me pjesëmarrjen e Lady Gaga-s. Pasi kishte bashkëpunuar me Rodriguez në setin e “Machete Kills” në vitin 2013 popstari dëshironte që të kthehej të punonte në “Sin City 2”, ku interpreton rolin e kamarieres.
Konfirmimi vjen edhe nga Lady Gaga nëpërmjet një postimi në rrjetet sociale duke shprehur entuziazmin , “Është e vërtëtë. Do të jem në “Sin City 2” me partnerin tim të preferuar Joseph Gordon-Levitt. E dashuroj Rodriguez dhe ky film është i mrekullueshëm”.
