Kanadaja investitorja e huaj numër 2 në Shqipëri

Gjatë periudhës 2007-2014, Greqia vijon të jetë investitorja numër 1 në Shqipëri sipas “Guidës së Biznesit në Shqipëri”. Lajmin e ka konfirmuar Zyra Ekonomike dhe e Tregtisë në ambasadën greke në Tiranë.

“Për shkak të investimeve të mëdha në industrinë e hidrokarbureve dhe minerare të Kanadasë ata kanë kapërcyer në vendin e dytë”, thuhet në këtë raport.

Në vitin 2014, tri investitorët e huaj më të mëdhenj në vendin tonë ishin Greqia (25.68%), Kanadaja (16.57%) dhe Italia (11.56%).
26% të investimeve greke në vendin e tonë e zë telekomunikacioni, 17% shërbimi bankar, ndërkohë që ai minerar 15%. Këto sektorë, së bashku me ato të industrisë (9%) dhe pasurive të paluajtshme (9%) përbëjnë 75% të investimit të huaj në Shqipëri.

Sipas raportit të INSTAT, numri i sipërmarrjeve aktive të huaja në vendin tonë për vitin 2015 ishte 5.010, nga të cilat 68% sipërmarrje italiane dhe greke. 2.753 (55%) ishin biznese italiane, 675 greke (14%), 461 turke (9%), 411 kosovare (8%) dhe 710 (14%) nga vendet e tjera.