Kane heroi i Anglisë/ “3 Luanët” përballë Italisë në finalen e Euro 2020
Anglia ka kaluar në finalen e Euro 2020 pasi mposhti më rezultatin 2-1 Danimarkën, në finale Anglia do të përballet me Italinë.
Në një ndeshje plot emocione dhe spektakël ishin danezët që kaluan të parët në avantazh me një super gol të Damsgaard i cili shënoi nga një goditje dënimi në minutën e 30. Me golin e pësuar Anglia e rrit presion në portën kundërshtare duke bërë që avantazhi i ‘vikingëve’ të mos zgjaste shumë. Në minutën e 39 Kjaer është i pafat pasi shënon autogol pas një depërtimi të mirë që Sterling bën në krahun e djathtë.
Me rezultatin 1-1 do të mbyllej pjesa e parë dhe e gjithë koha e rregullt duke bërë që edhe kjo ndeshje të shkojë në kohën shtesë. Në fundin e shtesës së parë Sterling fiton një penallti e cila u shndërrua në gol nga kapiteni Harry Kane.
Anglia e cila është një nga pretendetet për fitimin e këtij kompeticioni do të përballet të dielën në finale me Italinë e cila dje mundi me penallti Spanjën.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.