Kërcënimi ndaj akademikëve, Hafizi: Nëse vërtetohet, banditizmi kurrë kaq pranë universitetit

Deputetja e Partisë Socialiste, Mimoza Hafizi në një prononcim për mediat pas përfundimit të mbledhjes së grupit parlamentar të PS foli lidhur me çështjen e bërë publike së fundmi në media nga ish-kryeministri Sali Berisha për kërcënimin e akademikëve Mynyr Koni dhe Dhori Kule.

Hafizi bëri me dije se kishte kërkuar llogari në grupin e PS dhe në qeveri lidhur me këtë çështje ku i ishte thënë se çështja është në hetim nga prokuroria dhe se qeveria ka marrëdhënie shumë të mira me kandidatët për rektorë.

Por, nëse kërcënimi ndaj akademikëve është i vërtetë, atëherë kjo sipas saj, është një ngjarje e paprecedentë dhe e para herë kur banditizmi është kaq pranë universitetit.

“Kërkova informacion për lajmin e kërcënimit të akademikëve. Nëse ka ndodhur vërtetë atëherë kemi të bëjmë me një ngjarje të paprecedentë; nuk ka ndodhur asnjëherë që banditizmi të ketë qenë kaq pranë universitetit. Kërkova llogari në grupin e PS, por m’u tha se çështja është në hetim nga prokuroria dhe se qeveria ka marrëdhënie shumë të mira me të gjithë kandidatët për rektorë”, tha Hafizi…