Kërcënimi në adresën e emailit të Tahirit, Policia: Nuk ka të arrestuar, hetimet vazhdojnë
Policia e Shtetit njofton se ende nuk ka asnjë të arrestuar lidhur me emailin kërcënues që është dërguar në adresën elektronike të Ministrisë së Punëve të Brendshme.
Sipas njoftimit të Policisë, mësohet se në adresë të Policisë së Shtetit kanë mbërritur informacione mbi kërcënimet e adresuara më datën 14.11.2015, drejtuar në adresë të Ministrit të Punëve të Brendshme. Organet kompetente po hetojnë intensivisht mbi autorët dhe motivin e kërcënimit.
“Në fazën që jemi nuk ka asnjë person të arrestuar, ndërkohë që vijon puna me intervistimin e personave që kanë informacion, apo me personat që dyshohet se janë të përfshirë direkt në këtë kërcënim. Në një kohë të dytë do të keni informacion të plotë për rastin në fjalë”, thuhet në deklaratën e policisë.
