Kim Kardashian me ushtarët amerikanë në Abu Dhabi

Kim Kardashian ka vizituar trupat ushtarake amerikane në aeroplanmbajtësen “San Diego USS” të vendosur në Abu Dhabi.

34 vjeçarja ka surprizuar bashkatdhetarët e saj në bordin e aeroplanmbajtëses, të cilët nxituan për të shkrepur selfie me yllin amerikan.

“Mirënjohje për të gjithë atë që këta heronj bëjnë për kombin tonë”, shkroi në “Twitter” pas vizitës Kardashian, të cilën ajo e cilësoi se të jashtëzakonshme dhe mahnitëse.

Në Emiratet e Bashkuara Arabe, Kim, nënë e një fëmije nga lidhja me Kanye West ndodhet për të promovuar parfumin e saj të ri, “Fleur Fatale”.