Kina paralajmëron kundër rreziqeve për kaos
Pekini paralajmëroi kundër rreziqeve për kaos nëse kryengritja prodemokratike në Hong Kong vazhdon.
Kina rikonfirmoi mbështejen për shefin e ekzekutivit lokal, Leung Chun-ying për të cilin manifestuesit kërkojnë largimin.
”Nëse lëvizja e paligjshme e manifestuesve prodemokratikë vazhdon, shoqëria e Hong Kongut do të zhytet në kaos”, theksoi e ”Përditshmja e Popullit”, organ i Partisë Komuniste në pushtet, në një editorial.
“Qeveria qendrore vazhdon të mbështesë me forcë administratën e numrit një të ekzekutivit të Hong Kongut, Leung Chun-ying si dhe menaxhimin e këtyre aktiviteteve të paligjshme nga ana e policisë”, vijon editoriali i publikuar në faqen e parë të së përditshmes.
Ndërkohë që manifestimet që nisën të dielën do të intensifikohen në ish-koloninë britanike, rreth 3 000 persona u mblodhën sot para selisë së qeverisë lokale për t’i kërkuar Leungut që të japë dorëheqjen.
