Kinë-Rusi, manovra të përbashkëta ushtarake, në Detin e Kinës Jugore

Kina dhe Rusia kanë nisur të martën manovra të përbashkëta ushtarake detare, në Provincën Guangdong, në ujërat e Detit të Kinës Jugore. Stërvitja “Joint Sea 2016” përmban flota detare, nëndetëse, avionë, helikopterë, marinsa dhe tanke.

Zëvendës komandanti i marinës kineze Wang Hai, ka deklaruar se manovrat e përbashkëta janë një veprim konkret për të promovuar partneritetin e plotë strategjik Kinë-Rusi.

Stërvitja është planifikuar të përfundojë më 19 shtator dhe do të fokusohet në luftime dhe kryesisht në nxitjen e bashkëpunimeve detare, si dhe është e gjashta e këtij lloji, që nga viti 2012.