“Kokëdhima shpërblehet me 1 milionë euro për humbjen e mandatit”

Ish kryeministri Sali Berisha ka reaguar në një status në Facebook lidhur me shkrim që portali Hashtag Albania ka publikuar, ku në shkrim thuhet se një kompani që është e lidhur me ish-deputetin socialist Koço Kokëdhima ka fituar një tender nga OSHEE-ja pa garë.

Berisha shprehet se Koço Kokëdhima është shpërblyer me 1 milionë euro për humbjen e mandatit pak ditë më parë nga Gjykata Kushtetuese.

Ai ka akuzuar kreun e OSHEE-së se i ka dhënë Kokëdhëimës, pa asnjë procedurë tenderi 1 milionë euro.

Statusi i Berishës:

Hajduti i shtetit, sivlla Kokedhima shperblehet me 1 milione euro per humbjen e mandatit! Kompanise se tij, Ardian Çela i OSSHE-se i jep falas pa asnje procedure tenderi te publikuar ndokund, pra pa gare e pa konkurence, 1 milione euro. Per hollesi lexoni denoncimin qe Hashtag Albania i ben kesaj afere te piste te kusarit te shtetit, te cilit i hoqi mandatin Gjykata Kushtetuese pasi e gjeti se kishte vjedhur 150 here para te shtetit duke perdorur mandatin e deputetit! sb