Komisioni për Mbikëqyrjen e AKI-së nuk e hap temën e Kumanovës

Ka përfunduar takimi i Komisionit për Mbikëqyrjen e AKI-së në të cilën ka raportuar drejtori i AKI-së Agron Selimaj.

Mirëpo, në këtë takim nuk është folur për Kumanovën por vetëm rreth ndarjes së departamentit për verifikim të sigurisë që aktualisht është në kuadër të AKI-së.

Deputetja e LDK-së, Melihate Tërmkolli, tha se në këtë takim nuk është folur për çështjen e Kumanovës pasi që kjo çështje është mbyllur për AKI-në.

Ajo theksoi se tash kjo çështje është në dorën e institucioneve tjera siç është MPB-ja.

Tërmkolli konfirmoi edhe një herë se presidentja, kryeministri dhe ministri i Punëve të Jashtme kanë pasur informacione për lëvizjet që janë bërë rreth Kumanovës.