Konfederata Aziatike e Futbollit i bashkohet UEFA-s dhe CONCACAF-it dhe refuzon propozimin e FIFA-s

Në një deklaratë të publikuar ditën e sotme (të premten), Konfederata Aziatike e Futbollit (AFC) njoftoi se plani i presidentit të FIFA-s, Gianni Infantino, nuk mund të “arrijë konsensusin e gjerë dhe unitetin e nevojshëm për të ecur përpara”.

“Kupa e Botës e FIFA-s është kulmi i futbollit global dhe e merr forcën e saj nga pjesëmarrja e të gjitha Konfederatave dhe kombeve kryesore të futbollit në botë”, thuhej në njoftim.

“Çdo propozim që rrezikon të minojë bashkimin dhe karakterin universal të garës duhet të rishqyrtohet”, thuhet në deklaratë.

Kundërshtimi i AFC-së do të thotë që planet e FIFA-s nuk ka gjasa të miratohen nga anëtarët nëse vihen në votim. A.V.