Kontrolle për respektimin e rregullave të qarkullimit nga këmbësorët, 78 gjoba në Tiranë

Policia Rrugore e Kryeqytetit ka intensifikuar kontrollet në terren gjatë 24 orëve të fundit, me fokus të veçantë te ndëshkimi i këmbësorëve që nuk respektojnë rregullat e qarkullimit rrugor.

Si rezultat i këtyre kontrolleve, janë vendosur 78 gjoba ndaj këmbësorëve që kanë kaluar rrugën në vende të palejuara ose kanë shkelur sinjalistikën rrugore.

Policia Rrugore e Tiranës thekson se ky aksion synon rritjen e parametrave të sigurisë rrugore dhe parandalimin e aksidenteve me pasoja për jetën e qytetarëve.

“Tiranë/ Policia Rrugore kontrolle për respektimin e rregullave të qarkullimit nga këmbësorët. Gjatë 24-orët e fundit u vendosën 78 masa administrative.

Shërbimet e Policisë Rrugore të Tiranës kanë vijuar kontrollet në terren, me fokus evidentimin dhe ndëshkimin e këmbësorëve që shkelin rregullat e qarkullimit rrugor, me qëllim rritjen e sigurisë rrugore dhe parandalimin e aksidenteve.

Gjatë 24-orëve të fundit, janë vendosur 78 masa administrative ndaj këmbësorëve për shkelje të rregullave të qarkullimit rrugor.

Policia Rrugore apelon për më shumë kujdes dhe përgjegjshmëri nga ana e këmbësorëve, duke respektuar sinjalistikën rrugore, përdorur vendkalimet e përcaktuara dhe shmangur kalimin e rrugës në vende të palejuara.

Kontrollet do të vijojnë në funksion të rritjes së sigurisë rrugore dhe mbrojtjes së jetës së të gjithë përdoruesve të rrugës”, njofton policia.