Kosova: Ne do bëjmë një Bashki që mos ndikohet nga politika

Kandidati i Partisë Demokratike për Bashkinë e Tiranës, Halim Kosova vazhdoi turin e takimeve në zonën e pallatit me shigjeta, Medresesë dhe Laprakës.

Kandidati për Bashkinë e Tiranës Halim Kosova, dëgjoi nga afër një ndër problematikat më të mëdha të komunitetit rom në zonën e Pallatit me shigjeta, siç është edhe strehimi, duke sqaruar se si konflikti politik në Tiranë ka lënë pa banesa qindra qytetarë. Ai  u angazhua se do t’i japë një zgjidhje përfundimtare kësaj çështjeje që vijon tashmë prej vitesh.

Kosova u shpreh se: “Ne do bëjmë një Bashki që mos ndikohet nga politika, por të ndikohet nga halli i qytetarëve. Shembulli më i qartë se si politika mund të dëmtojë qytetarin e vetë, se si politika mund të bëhet pengesë, është mosmbledhja e Këshillit Bashkiak për t’u dhënë sipas listës apartamentet falas”.