KQZ rishpërndan fondet, i merr 2 mln lekë PS e PD

Komisioni Qendror i Zgjedhjeve ka rishpërndarë fondet vjetore për partite politike, duke i marrë rreth 2 milionë lekë Partisë Demokratike dhe Partisë Socialiste. Kjo pasi Kuvendi ndryshoi ligjin për financimin e partive, ku me propozim të deputetit Nard Ndoka do të përfitojnë fonde edhe partitë që kanë marrë mbi 10 mijë vota.

Me rishpërndarjen e fondeve, Partia Socialiste do te marrë 55 milionë lekë, ndërsa Partia Demokratike do të perfitojë 43 milionë lekë.

Lëvizja Socialiste për Integrim, e cila në zgjedhjet e 23 qershorit mori 16 deputetë do të perfitojë 15 milione lekë. Me ndryshimet e fundit ligjore, përfituese do të jenë edhe katër parti jo parlamentare. Konkretisht Partia Demokracia Sociale, Partia Socialdemokrate, Partia Demokristiane dhe Aleanca Kuqezi do të perfitojnë nga 2.3 milionë lekë.

Fondet që do përfitojnë partitë

Partia Socialiste 55 milionë leke

Partia Demokratike 42 milionë lekë

Lëvizija Socialiste për Integrim 15 milionë lekë

Partia Drejtësi Integrim dhe Unitet 5.6 milionë lekë

Partia Republikane 4.9 milionë lekë

Partia Bashkimi për të Drejtat e Njeriut 3 milionë lekë

Partia Kristian Demokrate 3 milionë lekë

Fryma e Re Demokratike 2.6 milionë lekë

Partia Demokracia Sociale 2.3 milionë lekë

Partia socialdemokrate 2.3 milionë lekë

Partia Demokristiane 2.3 milionë lekë

Aleanca Kuqezi 2.3 milionë leke