KQZ rrëzon kërkesën e PD për çregjistrimin e kandidatit të Kurbinit

KQZ ka rrëzuar kërkesën e PD-së për çregjistrimin e kandidatit për Bashkinë e Kurbinit për zgjedhjet lokale të 21 qershorit, Alin Biba.

Kërkesa e Partisë Demokratike, u rrëzua me 4 vota pro, ku votave të përfaqësuesve ligjore të mazhorancës, iu bashkua edhe ajo e kryetares së komisionit, Lefterije Luzi.

Përfaqësuesit ligjorë të PD-së kanë këmbëngulur se vendimi i Bibës është i tëri personal dhe i lind e drejta për çfarëdo arsye të tërhiqet, por Komisioni Qendror i Zgjedhjeve ka rrëzuar poshtë kërkesën me 4 vota.

Kështu Biba, do të njihet nga KQZ si kandidati zyrtar i Partisë Demokratike për Bashkinë e Kurbinit, edhe pse ai vazhdon të këmbëngulë për të mos kandiduar.