⛈️
Tiranë 17°C · Stuhi 16 Nëntor 2026
S&P 500 7,457 ▼1.38%
DOW 51,916 ▼0.82%
NASDAQ 24,640 ▼1.97%
NAFTA 86.37 ▼2.47%
ARI 3,871 ▼0.41%
💱 VALUTAT
EUR/USD 1.1030 EUR/GBP 0.8345 EUR/CHF 0.9254 EUR/ALL 90.7316 EUR/MKD 61.4970 EUR/RSD 117.6153 EUR/TRY 55.5638 EUR/JPY 176.23 EUR/CAD 1.5734 EUR/USD 1.1030 EUR/GBP 0.8345 EUR/CHF 0.9254 EUR/ALL 90.7316 EUR/MKD 61.4970 EUR/RSD 117.6153 EUR/TRY 55.5638 EUR/JPY 176.23 EUR/CAD 1.5734
₿ CRYPTO
BTC $65,050 ▲ +0.37% ETH $1,833 ▲ +0.98% XRP $0.9648 ▲ +1.43% SOL $71.7900 ▲ +0.66%
S&P 500 7,457 ▼1.38 % DOW 51,916 ▼0.82 % NASDAQ 24,640 ▼1.97 % NAFTA 86.37 ▼2.47 % ARI 3,871 ▼0.41 % S&P 500 7,457 ▼1.38 % DOW 51,916 ▼0.82 % NASDAQ 24,640 ▼1.97 % NAFTA 86.37 ▼2.47 % ARI 3,871 ▼0.41 %
EUR/USD 1.1030 EUR/GBP 0.8345 EUR/CHF 0.9254 EUR/ALL 90.7316 EUR/MKD 61.4970 EUR/RSD 117.6153 EUR/TRY 55.5638 EUR/JPY 176.23 EUR/CAD 1.5734 EUR/USD 1.1030 EUR/GBP 0.8345 EUR/CHF 0.9254 EUR/ALL 90.7316 EUR/MKD 61.4970 EUR/RSD 117.6153 EUR/TRY 55.5638 EUR/JPY 176.23 EUR/CAD 1.5734
16 Nën 2026
Breaking
Bota

Krahu lindor i NATO-s kërkon ndihmë ndaj luftës hibride ruse

Ministrat e Jashtëm të Rumanisë, Estonisë dhe Suedisë kanë bërë thirrje për një përgjigje të fortë e të unifikuar evropiane ndaj pushtimit rus të Ukrainës, që po i afrohet 5-vjetorit.

Gjithashtu, ato e kanë ngritur zërin përballë aktiviteteve armiqësore të Moskës, që po përhapen në mbarë territorin evropian.

Ministri rumun, Dan Neculaescu deklaroi se do të kërkojë një koordinim më të ngushtë mes NATO-s dhe BE-së për shkak të përshkallëzimit “të papranueshëm” të akteve dashakeqe në bregun rumun të detit të Zi.

“Kemi pasur 4 alarme në 24 orë dhe tre anije të goditura vetëm gjatë fundjavës. Kjo është e papranueshme”, deklaroi Neculaescu.

Duke theksuar se situata është bërë shumë e rrezikshme në detin e Zi, shefi i diplomacisë rumune shtoi se do t’u kërkojë homologëve që të vazhdojnë të kontribuojnë me kapacitete të shtuara në vendin e tij.

Dronët goditën tre mjete lundruese ditën e diel në kanalin Sulina të Rumanisë, një aks i rëndësishëm detar që lidh Danubin me detin e Zi e që përdoret nga Ukraina për të eksportuar mallra.

Në të njëjtat linja, ministri i Jashtëm estonez Margus Tsahkna, tha se përpjekjet e Rusisë për të kryer akte sabotimi në dëm të infrastrukturës ushtarake vendase janë tregues se aktivitetet dashakeqe të Moskës shkojnë përtej Ukrainës.

“Veprime të tilla duhet të përballen me pasoja, të cilat duhet të përkthehen në një përgjigje evropiane ndaj luftës hibride”, tha Tsahkna.

Edhe ministrja e Jashtme suedeze, Maria Malmer Stenergard tha për Euronews intensifikimi i luftës hibride reflekton frustrimin e Kremlinit nga fakti se nuk po fiton dot luftën në Ukrainë.

“Ata po përpiqen prej thuajse 5 vitesh për të pushtuar Ukrainën, por kanë dështuar. Tani i takon Evropës të jetë e bashkuar dhe qytetarët e saj të jenë rezistentë”, deklaroi Stenergard.

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

🔒 Komenti juaj do të publikohet pas miratimit nga moderatori.