Krasniqi pas humbjes në Irlandë: episodi i kartonit e ndryshoi lojën, ta harrojmë dhe të bëhemi më të fortë
Mbrojtësi i Kosovës tha se Dardanët e nisën mirë ndeshjen në Dublin, por përjashtimi i Hajrizit ndryshoi gjithçka; ai kërkoi që skuadra të mësojë nga kjo humbje dhe të dalë më e fortë.
Ilir Krasniqi ka reaguar pas humbjes 3-0 të Kosovës ndaj Irlandës në Dublin, rezultat që i la Dardanët në vazon e tretë për shortin e kualifikueseve të Euro 2028. Siç njofton Telegrafi, mbrojtësi foli për Klan Kosova pas ndeshjes dhe e vuri theksin te episodi i kartonit të kuq.
“E dinim që na pret një ndeshje shumë e vështirë, Irlanda është një ekip mjaft i fortë. E nisëm mirë, por episodi i kartonit e ndryshoi të gjithën. Ishte shumë e vështirë me një lojtar më pak”, deklaroi Krasniqi.
Ai shtoi se skuadra kishte shkuar në Dublin me besimin se mund të fitonte dhe se pa kartonin e kuq ndeshja do të kishte rrjedhë tjetër. Sipas tij, kjo humbje duhet harruar sa më shpejt dhe skuadra duhet të nxjerrë mësime prej saj.
“Ka ndeshje ku kemi mundur të luajmë më mirë, si ajo në Kosovë me Austrinë. Na duhen përmirësime dhe përkrahje reciproke. Kjo humbje, shpresoj, do të na bëjë më të fortë”, shtoi mbrojtësi.
Shorti i kualifikueseve të Euro 2028 tërhiqet më 6 dhjetor 2026, ku Kosova do të mësojë kundërshtarët e saj në grup.



Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.