🌦️
Tiranë 17°C · Rrebesh i lehtë 18 Nëntor 2026
S&P 500 7,352 ▲0.15%
DOW 50,410 ▼0.69%
NASDAQ 24,517 ▲0.78%
NAFTA 81.81 ▼3.35%
ARI 3,745 ▼3.08%
💱 VALUTAT
EUR/USD 1.0999 EUR/GBP 0.8330 EUR/CHF 0.9242 EUR/ALL 90.5258 EUR/MKD 61.4970 EUR/RSD 117.6616 EUR/TRY 55.4619 EUR/JPY 175.28 EUR/CAD 1.5720 EUR/USD 1.0999 EUR/GBP 0.8330 EUR/CHF 0.9242 EUR/ALL 90.5258 EUR/MKD 61.4970 EUR/RSD 117.6616 EUR/TRY 55.4619 EUR/JPY 175.28 EUR/CAD 1.5720
₿ CRYPTO
BTC $63,237 ▼ -0.79% ETH $1,772 ▼ -1.02% XRP $0.9814 ▲ +2.6% SOL $73.9900 ▲ +2.17%
S&P 500 7,352 ▲0.15 % DOW 50,410 ▼0.69 % NASDAQ 24,517 ▲0.78 % NAFTA 81.81 ▼3.35 % ARI 3,745 ▼3.08 % S&P 500 7,352 ▲0.15 % DOW 50,410 ▼0.69 % NASDAQ 24,517 ▲0.78 % NAFTA 81.81 ▼3.35 % ARI 3,745 ▼3.08 %
EUR/USD 1.0999 EUR/GBP 0.8330 EUR/CHF 0.9242 EUR/ALL 90.5258 EUR/MKD 61.4970 EUR/RSD 117.6616 EUR/TRY 55.4619 EUR/JPY 175.28 EUR/CAD 1.5720 EUR/USD 1.0999 EUR/GBP 0.8330 EUR/CHF 0.9242 EUR/ALL 90.5258 EUR/MKD 61.4970 EUR/RSD 117.6616 EUR/TRY 55.4619 EUR/JPY 175.28 EUR/CAD 1.5720
18 Nën 2026
Breaking
Bota

LONDËR – Burnham: BM qëndron plotësisht në krah të Ukrainës

LONDËR, 18 nëntor /ATSH-DPA/ – Kryeministri britanik Andy Burnham është zotuar se Britania e Madhe do të “qëndrojë plotësisht në krah të Ukrainës”, ndërsa presidenti amerikan Donald Trump mbërrin në Kinë për një takim me presidentin kinez Xi Jinping dhe presidentin rus Vladimir Putin.

Burnham tha se do të jetë në Berlin, ku do të takohet me liderët e “Koalicionit të tëVullnetshmëve”, në të njëjtën kohë kur liderët amerikanë, kinezë dhe rusë do të zhvillojnë samitin e tyre në Shenzhen.

Sot më herët avioni presidencial amerikan “Air Force One” u ul në Shenzhen, qytet pranë Hong Kongut, në jug të Kinës, ku presidenti Trump u prit me tapetin e kuq.

Gjatë seancës së pyetjeve ndaj kryeministrit në Parlament, lideri i Liberal Demokratëve, Ed Davey, tha se implikimet për sigurinë nga afrimi i Trump, Putin dhe Xi duhet të nxjerrin në pah nevojën për një marrëveshje të re me Bashkimin Evropian.

Burnham u përgjigj; “Dua të them se ku do të jem nesër, kur ky takim të zhvillohet në Kinë. Do të jem në Berlin, në një takim të ‘Koalicionit të të Vullnetshmëve’”

Ajo që duhet të bëjmë është të vazhdojmë të qëndrojmë plotësisht në krah të Ukrainës dhe këtë do ta bëjë kjo qeveri.

Në këtë çështje, dua t’u shpreh vlerësimin të gjitha palëve në Dhomën e Komunëve, sepse këtë kemi arritur të bëjmë gjatë viteve që nga fillimi i konfliktit dhe kjo është gjëja e duhur.

Le të përcillet një mesazh i qartë, ndërsa zhvillohet ky takim në Kinë, ky vend qëndron plotësisht në krah të Ukrainës”.

I pyetur nëse Burnham do të ishte i gatshëm të takohej personalisht me Putinin, zëdhënësi zyrtar i kryeministrit tha se “nuk mendone se kjo ishte në axhendë.”

I pyetur nëse takimi i “Koalicionit të të Vullnetshmeve” ishte një kundërpërgjigje ndaj bisedimeve të presidentit amerikan në Kinë, zëdhënësi tha se kryeministri po theksonte rëndësinë e këtij takimi dhe se qëndrimi britanik ndaj Ukrainës nuk ka ndryshuar, as gjatë qeverisë aktuale dhe as gjatë qeverive të mëparshme.

Presidenti Trump ka deklaruar më herët se synon të diskutojë me Xi dhe Putin për kufizimin e armëve bërthamore dhe përfundimin e luftës në Ukrainë.

Trump tha dje se vdekja e mijëra ushtarëve rusë në Ukrainë ka krijuar një mundësi për zgjidhjen e konfliktit, i cili nisi në vitin 2022, kur Rusia pushtoi Ukrainën.

“Mendoj se jemi shumë pranë arritjes së një marrëveshjeje. Do të kemi një takim të mirë për këtë çështje”, deklaroi Trump. /Ad.Ab./ a.jor.

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

🔒 Komenti juaj do të publikohet pas miratimit nga moderatori.