Kreditë e buta, Gjermeni: Ligj për zgjerimin e kategorive përfituese

Ministrja e Zhvillimit Urban, Eglantina Gjermeni, ishte në Kukës ku u njoh nga kryebashkiaku Bashkim Shehu me numrin e familjeve të pastreha dhe politikat e Bashkisë në funksionit të Planit të Përgjithshëm Vendor.

Gjermeni pohoi se shume shpejt do paraqitet ligji për strehimin social që do të zgjerojë gamën e kategorive përfituese.

“Mbështesim Bashkitë për familjet që janë të pastreha në disa nivele. E para me bonus strehimi, duke i paguar pjesën më të madhe apo të plotë qeranë për familjet që janë të pastreha dhe që u paguajmë qeratë. Por për këtë kërkojmë ndihmën dhe përzgjedhjen e tyre nga Bashkia. Ndërkohë që japim grante të menjëhershme për familjet që mund të kenë blerë apartamente por që janë në nevojë”, tha ministrja Gjermeni.

Në qytetin e Kukësit numri i familjeve të pastreha që kanë aplikuar në Bashki për t’u trajtuar me kredi sociale është rreth 800, nga 1 mijë të regjistruara si të pastreha.