Kriminalizimi i shpifjes, Meta: Pr/ligji i keqkuptuar

Edhe kryetari i Kuvendit, Ilir Meta ka reaguar në lidhje me projektligjin që kriminalizon shpifjen ndaj pushtetarëve.

“Ka një keqkuptim midis qëllimit dhe formulimit të pr/ligjit për shpifjen”, ka deklaruar Meta.

Kryeministri Edi Rama propozon rikthimin si vepër penale të shpifjes ndaj funksionarëve publikë dhe të zgjedhurve, duke kërkuar dënim nga gjobë deri në tre vjet burg të çdokujt që do të gjendet në faj nga drejtësia.

Projektligji është miratuar në mes të tetorit, por gjatë konferencës së të martës, kryeministri nuk e reflektoi plotësisht këtë propozim të tijin, kur foli për lirinë e medias.