Kriza migratore ushqen retorikën populiste

Kriza migratore që tronditi Evropën po ushqen gjithnjë e më tepër retorikën e grupeve populiste, kryesisht të ekstremit të djathtë dhe anti-Bruksel duke fituar më tepër terren, si rasti i AfD-së në Gjermani.

GJERMANIA

– Një vit nga zgjedhjet legjislative, Bashkimi Kristiandemokrat (CDU) i kancelares Angela Merkel pësoi një ditë më parë një tjetër rezultat negativ në Berlin përballë lëvizjes anti-migracion Alternativës për Gjermaninë (AfD, e themeluar në 2013) që hyn në parlamentin lokal me 14,2 për qind të votave (17,6 për qind për CDU-në).

AfD-ja tashmë e pozicionuar përpara CDU-së në verilindje dy javë më parë do të jetë gjithashtu prezente në 10 parlamentet rajonalë nga 16 në total. Mbërthyer nga ankthi pas ardhjes së 1,1 milionë refugjatëve në 2015, kjo parti mund të hyjë brenda vitit në Parlamentin Federal, për herë të parë për një parti të djathtë populiste që prej pas luftës në Gjermani.

AUSTRIA

Partia e Lirisë (FPO) një nga palët e ekstremit të djathtë e përfshirë më tepër në Evropë dështoi për pak për të fituar presidencialet më 22 maj, që do të kishte qene rasti i parë në Evropë. Dy partitë kryesore në pushtet prej 1945 do të kishin qënë të eliminuara për të hyrë në Parlament. FPO-ja siguroi anulimin e procesit zgjedhor, dhe një proces i ri zgjedhor pritet të mbahet më 4 dhjetor.

SLLOVAKIA

Ekstremi i djathtë hyri në Parlament në muajin mars me 14 vende nga një total prej 150, për partinë ”Sllovakia Jonë” (LSNS) e themeluar në 2012 dhe armiqësore ndaj komunitetit rom, NATO-s si dhe Bashkimit Evropian (BE). Lideri i saj Marian Kotleba konsiderohet nga kundërshtarët e tij si një neo-nazist. Kreu i qeverisë së qendrës së majtë Robert Fico u rizgjodh krysisht në sajë të një fjalimi anti-migracion