Kryeministri i Kosovë, Albin Kurti për festën e Bajramit ka vizituar në familjet e tyre, tre policët e rrëmbyer nga forcat e serbe më 14 qershor. Në rrjetin social facebook, Kurti shkruan për mikpritjen e ngrohtë në të tri familjet e tyre në Peran, Letanc dhe Mitrovicë, derisa thekson se policët u mbajtën rob për 13 ditë në Serbi.
“Për Bajram te Beqir Sefa, Rifat Zeka e Shemë Mustafa, tre oficerët tanë të Policisë, që ishin rrëmbyer me 14 qershor nga forcat e armatosura serbe, e u mbajtën rob padrejtësisht për 13 ditë nga Serbia. Mikpritje fort e ngrohtë, sepse festa ishte e dyfishtë në Peran, Letanc dhe Mitrovicë. I falënderova të tre policët tanë dhe familjet e tyre për qëndresën, besim e treguar dhe mbështetjen e dhënë ndaj institucioneve të Republikës”, ka shkruar Kurti.
Kujtojmë se kryeministri sot me rastin e Kurban Bajramit ka vizituar veriun e Mitrovicës, ku ka takuar njësitë e policisë, të cilët ishin në detyrë dhe po shërbenin për të ruajtur rendin dhe ligjin në këtë pjesë të vendit.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.