Kurti zotohet: Do të punojmë bashkë për suksesin e ish-krerëve të UÇK-së në apel

Kryeministri i Kosovës, Albin Kurti, ka reaguar pas zhvillimeve të fundit institucionale në vend, duke dhënë zotimin se institucionet do të angazhohen për procesin e apelit të ish-krerëve të UÇK-së në Hagë. “Do të punojmë bashkë për suksesin e ish-krerëve të UÇK-së në apel”, deklaroi ai, siç njofton Klan Kosova.

Reagimi i kryeministrit vjen pas zgjedhjes mbrëmë të presidentes së re të vendit, Justina Shiroka-Pula, e cila mori 81 vota në Kuvend — zgjedhje kjo që pasoi miratimin nga deputetët të ndryshimeve në Ligjin për Dhomat e Specializuara dhe Zyrën e Prokurorit të Specializuar në Hagë.

Siç raporton Klan Kosova, Kurti theksoi se Kosova tashmë ka institucione stabile dhe se, me ndryshimet në ligjin për Specialen, do të punohet edhe për procesin e apelit në Hagë.

Pos kësaj, kryeministri uroi qytetarët për zgjedhjen e presidentes së vendit.