Kuvendi i murgeshave flet për shtatzaninë e njërës prej tyre

Një murgeshë apo ndjekëse e huaj nga Burundi apo Bolivia (ende nuk dihet) u paraqit në spital pak ditë më parë me dhimbje të forta barku.

Mjekët kuptuan menjëherë se bëhej fjalë për një shtatzani dhe e dërguan në sallën e lindjes që mesa duket ajo do ta rrite vetë duke braktisur kuvendin e murgeshave të “Dashuria e Krishtit” ku mbërriti qershorin e vitit të kaluar. Është ende misterioze historia kësaj nëne të re që lind fëmijë, murgesha e dytë që lind fëmijë në Itali nga viti 2011.

Për gjithë këto ditë në San Severino Marche janë ngritur dyshime dhe hipoteza ndërsa spitali “Bartolomeo Eustachio” ka vendour një heshtje për shtypin për shkak të privacisë së pacientit. Nga të dhënat e parë mësohet se bëhet fjalë për një murgeshë, por kryemurgesha e manastirit të Santa Chiara, Rosella Mancinelli, e përgënjeshtron.“Në mënyrë kategorike, kjo është një çështje që I përket komunitetit të murgeshave dhe manastireve të zonës” – thotë ajo. Më pas shton se bëhet fjalë për një vajzë mysafire në Kuvend dhe jo për një murgeshë. Në telefon një zë femëror u është përgjigjur me vështirësi gazetërve. “Nuk është një murgeshë, por një vajzë që ne po ndihmonim” –thotë ajo dhe e mbyll bisedën. Cilado që është e vërteta ne Pediatrinë e spitalit të Maceratës një fëmijë me shëndet të plotë ka ardhur në jetë.