Kuvendi vulos anëtarësimin e Kosovës në Bordin e Paqes, Osmani me krenari: Faleminderit Amerikës dhe Presidentit Trump

Ish-presidentja e Kosovës, Vjosa Osmani ka reaguar me krenari për votimin e zhvilluar sot në Kuvend ,për ratifikimin e marrëveshjes për anëtarësimin e vendit në Bordin e Paqes.

Ish-presidentja e Kosovës, Vjosa Osmani ka reaguar me krenari për votimin e zhvilluar sot në Kuvend ,për ratifikimin e marrëveshjes për anëtarësimin e vendit në Bordin e Paqes.

“Është një hap i madh që forcon subjektivitetin tonë ndërkombëtar dhe e vendos Republikën e Kosovës aty ku e meriton: krah për krah me Amerikën dhe në mesin e shteteve që kontribuojnë për paqen globale.

Ishin Tomahawk-ët amerikanë që, në vitin 1999, çanë errësirën dhe ndalën makinerinë gjenocidale serbe mbi popullin tonë. Ishte Amerika ajo që qëndroi në anën e drejtësisë, kur ne kishim më shumë nevojë se kurrë për shpresë dhe shpëtim”, shkruan Vjosa Osmani.

Ajo thotë se edhe sot, Amerika përsëri qëndron në krah të Kosovës. “Faleminderit SHBA-ve dhe Presidentit Trump për besimin dhe ftesën që të jemi shtet themelues i Bordit të Paqes. Zoti e bekoftë Kosovën dhe Shtetet e Bashkuara të Amerikës”, përmbyll ajo.